Catros coches implicados nun accidente en cadea en Santiago, con dous feridos

Catro vehículos víronse implicados nun accidente de tráfico urbano en Santiago de Compostela, polo que dúas persoas tiveron que ser trasladadas ao hospital, segundo a información proporcionada polo 112 Galicia.

O sinistro produciuse ao redor das 22.20 horas na rúa da Fonte de Santo Antonio. A esa hora, un particular informou á central de emerxencias dunha colisión por alcance á altura da fonte situada nesa rúa.

O alertador explicou que tres dos coches resultaran afectados e que o cuarto, que parecía que fora o causante --con base no seu testemuño--, continuou a súa marcha. Ademais, algunhas das persoas afectadas queixábanse por molestias.

Ata o lugar desprazouse persoal do 061, voluntarios de Protección Civil e axentes da Policía Local, que confirmaron que eran catro coches os implicados. Pola súa banda, o servizo de urxencias sanitarias trasladou en ambulancia medicalizada a dúas persoas feridas.