Catro xeracións de barbeiros na mesma familia
Nunha época en que todo vai rápido, custa atopar negocios que perduren, deses que pasan de pais a fillos
En Vigo, mantense unha barbería de toda a vida rexentada xa pola pola cuarta xeración de profesionais dunha mesma familia
As novas barberías buscan unha estética vintage, pero na de Juan Rodríguez, en Vigo, a tradición vén de serie. A cadeira de brazos onde sentan os clientes data do ano 73, naquel entón custaba case o memso que un coche.
Juan Rodríguez Alonso, responsable da barbería Juan, explica que non todo cambiou: "As ferramentas son as mesmas: tesoiras, máquinas... Tamén o afeitado: nós practicamos o afeitado tradicional enxabonando. Hai navalla barbeira, pero prácticamente non se emprega, usamos navallas de coitela que son máis hixiénicas".
Juan e o seu irmán herdaron a profesión do seu pai, pero xa o seu bisavó se dedicara ao mesmo.
"Dende case de rapaz, dende os 16 anos, seguimos a estala do meu pai. Decidimos nós continuar coa profesión", relata Juan.
Os clientes agradecen o saber facer e a proximidade deste tipo de negocios. Polo momento a filla de Juan é demasiado nova para saber se continuará coa tradición familar.
