Catro feridos leves polo desprendemento de parte do teito no Teatro Principal de Pontevedra

Catro persoas quedaron feridas leves por mor do desprendemento de parte do falso teito do Teatro Principal de Pontevedra, que tivo que ser desaloxado. O suceso produciuse durante a celebración do Concerto de Primavera do campus.

Tres dos afectados foron trasladados ao Hospital Montecelo para ser atendidos dos golpes e as mazaduras que sufriron, pero en ningún caso presentaban danos de consideración.

No momento do suceso había unhas 400 persoas no interior do recinto, e foron saindo de xeito ordenado. Está previsto que as actividades programadas para os vindeiros días queden suspendidas mentres se reparan as instalacións e se averiguan as causas do suceso.