Casimiro: "Gocei moito do camiño desde o primeiro día que cheguei"
O Breogán perdeu seis do últimos oito partidos de liga
Luis Casimiro, adestrador do Breogán, espera un partido de “máxima dificultade” ante o Valencia Basket, un equipo ao que eloxiou polo rendemento que está a ofrecer desde a chegada de Pedro Martínez ao seu banco.
“É o primeiro equipo en anotación, rebotes, asistencias e valoración. Ademais, está no top 5 de porcentaxe de acerto en tiros de dous e tres e bateu o récord de triplas da ACB. Cal é a fisura deste Valencia Basket”, preguntouse o técnico breoganista.
A pesar de perder seis do últimos oito partidos de liga, Casimiro destacou o “extraordinario” traballo que realizou o seu equipo porque “nos últimos partidos estamos a xogar con dez xogadores”.
“Levamos un mes, e benvido sexa, sen esa presión de ter que estar a pensar en que necesitas a vitoria si ou si. Iso demostra que fixemos un bo traballo e que o noso obxectivo cumpriuse relativamente ben. Agora mesmo non hai un obxectivo de necesidade, pero si connosco mesmos”, sinalou en rolda de prensa.
Ao adestrador do Breogán sorpréndelle “o ritmo” co que xoga o seu próximo rival porque “non todos os equipos están capacitados para aguantar a ese equipo”.
O técnico manchego está encantado coa súa etapa en Lugo.
"Gocei moito do camiño desde o primeiro día que cheguei. Sentinme de novo adestrador"
