Casado e Ayuso, xuntos na presentación do libro de Rajoy
O expresidente presenta Política para adultos, unha crítica dos populismos
Mariano Rajoy presentou esta tarde en Madrid o seu libro Política para adultos.
Foi nun acto cunha grande expectación mediática. Por primeira vez en 43 días, e no medio da pugna polo control do PP madrileño, coincidían o líder do partido Pablo Casado e a presidenta da Comunidade Isabel Díaz Ayuso.
Mariano Rajoy explicaba que o seu libro repasa a transformación vivida desde o 15M, con especial atención na irrupción do populismo na política española.
O expresidente do Goberno cre: "Nos últimos tempos, na política e en moitas ordes da vida, produciuse un proceso de infantilización. E o populismo, unha das cuestións das que me ocupo neste libro, consiste en boa medida en tratar a xente como a nenos".
.png)