Carlos III de Inglaterra anuncia unha "redución" no seu tratamento contra o cancro

Carlos III de Inglaterra anuncia unha melloría no seguimento da súa enfermidade que lle permitirá reducir o tratamento contra o cancro que recibe. 

O palacio de Buckingham asegurou que o rei pasa agora a unha fase de precaución, seguimento e vixilancia. O que non indicou é se o cancro está en remisión. 

Carlos III fixo fincapé na importancia dun diagnóstico precoz para superar esta enfermidade nunha mensaxe televisada emitida en apoio á campaña benéfica Stand Up to Cancer.

“Un diagnóstico precoz, sinxelamente, salva vidas”, asegurou o rei do Reino Unido, que compartiu desde a súa experiencia como "a noticia da enfermidade chega a ser abafante, pero se se detecta de forma temperá é clave para transformar os procesos, darlles un tempo incalculable aos equipos médicos e esperanza aos pacientes"