Carlos Alcaraz non sufriu a presión e meteuse nos cuartos de final de Cincinnati

O único español aínda en xogo no Masters 1.000 de Cincinnati, Carlos Alcaraz non sufriu a presión e plantouse nos cuartos de final do torneo cun triunfo por 7-6(4) e 6-1 ante o croata Marin Cilic, nunha semana en que busca coroarse co terceiro 1.000 da súa carreira.

Alcaraz, número 4 do mundo, converteuse no máis novo cuarto finalista de Cincinnati desde o británico Andy Murray (2006) e enfrontarase na próxima rolda ao tamén británico Cameron Norrie, verdugo de Ben Shelton.

Youngest quarter-finalist in Cincinnati since 2006 🔥@carlosalcaraz defeats Marin Cilic 7-6, 6-1 for a spot in the quarter-finals 🙌@CincyTennis | #CincyTennis pic.twitter.com/G21qBy1naq

— ATP Tour (@atptour) August 19, 2022