Carballo celebra ata o domingo o Rexenera Fest
Carballo celebra ata o domingo o Rexenera Fest
O festival internacional de arte urbana fai dez anos
En Carballo viven inmersos nunha nova edición do Rexenera Fest, o festival internacional de arte urbana, que fai dez anos.
O artista sevillano Alberto Montes inspírase na natureza alá por onde vai. No Rexenera Fest crea un mural de chorimas, follas de carballo ou castiñeiro que contemplou paseando á beira do río Anllóns.
Desta volta, o festival internacional de arte urbana de Carballo ten como epicentro o barrio da Lagoa.
Seis son os artistas convidados. Veñen de México, Bélxica, Salamanca e Zaragoza. E está tamén o galego Maz. En dez anos de historia, o Rexenera pasou de ser un experimento urbano e social a converterse nun referente nos foros internacionais.
O Rexenera Fest continúa ata o domingo cun programa de actos que inclúe concertos e rutas guiadas por unha galería de arte urbana que conta con máis dun cento de obras de gran formato.
