Caos no espectáculo da Panorama nas festas do barrio ourensán do Couto
Máis de 10.000 persoas ateigaron a rúa Dalí para asistir ao concerto
Moitos asistentes din que se viviron situacións de risco
Dende o Concello de Ourense din que, malia que se superaron todas as previsións, había un ampla despregadura de seguridade e que en ningún momento houbo perigo
A comisión de festas do Couto agardaba como moito unhas 2.000 persoas, con máis de 10.000 asistentes multiplicáronse todas as expectativas, ninguén contaba con tal marea de xente para ver a Panorama. Moitos asistentes din que viviron situacións de risco e algún mesmo optou por abandonar o concerto.
Dende a propia orquestra, o seu cantante, Lito Garrido, di que e a mostra de civismo do público foi exemplar, pero que nunca viron nada igual, houbo que parar o espectáculo por recomendación da Policía Local para pedir moita precaución.
"Levo 40 anos e xamais me pasou algo igual, que eu tiverse que coller o micro e dicir que por favor non entrase máis xente porque realmente non se podían mover, o susto foi grande".
No Couto celebran que non acontecese ningún problema e alégranse do pulo que estas festas lle deron ao barrio. Sobre todo a hostalaría e ao comercio.
A comisión de festas do Couto e o Concello de Ourense aseguran que había catro lugares de evacuación, unha ampla despregadura policial e dos servizos de emerxencia e que en ningún momento a seguridade dos asistentes correu risco.
.png)
