Arde nun incendio un inmoble anexo a un colexio de Caldelas de Tui
O lume non afectou a actividade escolar
A primeira hora da mañá os bombeiros volvían ao lugar do incendio. Coa luz do día arrefriaban a zona e comprobaban os danos da estrutura do inmoble que quedou calcinado a pasada noite. Un edificio ao carón dun colexio que se empregaba como arquivo.
As tarefas de extinción foron complicadas, duraron máis de cinco horas. O lume reavivouse de madrugada e esta mañá os bombeiros comprobaban posibles rescaldos.
O incendio non afectou á actividade escolar. Porén o que si se perderon no incendio foron importantes documentos que forman parte da historia educativa e sentimental deste coñecido centro de Caldelas de Tui, O Pelouro.
Xa se investigan as causas do lume que podería ter a súa orixe nun problema eléctrico.
