Buscan un home de 31 anos que desapareceu o xoves en Ferrol
Chámase Santiago, mide 1,75 metros, é de complexión normal e pelo moreno
Vestía chándal vermello, anorak con carapucha, xersei laranxa e camiseta negra
(SOS Desaparecidos)
A entidade SOS Desaparecidos activou a última hora da tarde deste domingo unha alerta pola desaparición dun home de 31 anos en Ferrol cuxo paradoiro se descoñece desde o pasado xoves, 15 de maio.
Segundo a entidade, chámase Santiago, mide 1,75 metros, é de complexión normal, pelo moreno e queixo con fochiña. Cando desapareceu vestía pantalón tipo chándal vermello, anorak con carapucha, xersei laranxa, camiseta negra, ademais de zapatillas marróns sen cordóns.
A Asociación SOS Desaparecidos ofrece os teléfonos 649 952 957 e 644 712 806, ademais do email info@sosdesaparecidos.es para contactar en caso de ter información sobre o paradoiro de Santiago.
