Buscan un condutor que fuxiu logo dunha colisión con outro vehículo en Coles

A Garda Civil busca un condutor que fuxiu tras bater contra outro turismo na nacional 525 ao seu paso polo concello de Coles. No accidente de tráfico feríronse varias persoas que ocupaban o segundo vehículo implicado.

Ningún reviste gravidade malia que un deles quedou atrapado no interior e precisou axuda para saír do coche dos equipos de emerxencias que se desprazaron desde o GES do Pereiro de Aguiar, Bombeiros do Carballiño e Protección Civil de Coles, xunto á Garda Civil.