Buscan en Punta Herminia, na Coruña, unha persoa que puido caer á auga

Efectivos de Salvamento Marítimo, bombeiros, Protección Civil, Policía e outros corpos de seguridade buscan en punta Herminia unha persoa que puido caer á auga dende as rochas.

Sobre as sete da tarde un particular alertou de que alguén deixara nas rochas varios instrumentos de pesca.

Esta chamada fixo saltar as alarmas sobre a posibilidade de que algún dos pescadores que frecuenta a zona puido caer ao mar.