Burela ten un barrio onde viven máis novos ca maiores de 65 anos

Burela é das poucas vilas galegas onde a demografía fala en positivo. E a tendencia non é nova. Leva así dúas décadas. Nos últimos anos gañou case mil habitantes e a idade media non supera os 42 anos.

"Iso é símbolo de dinamismo e progreso", di unha veciña, outro engade: "Haberá un 10 ou u 12 por cento de poboación que veu nova".

Os traballos na pesca, na sanidade, os servizos e a tranquilidade da vila fan que moitas familias a escollan para instalarse. 

"Unha vantaxe é a seguridade", di unha muller, e outro home asegura que o hospital é un servizo moi importante, as garderías, o comercio, todo está moi céntrico".

A maioría instálanse no centro da vila, onde viven máis de 2.000 persoas, entre a estación de autobuses e o peirao, onde está un dos poucos barrios de Galicia onde viven máis nenos e adolescentes ca maiores de 65 anos.

"Aquí hai moita xente nova, e nais moi novas", di unha muller, outra engade que hai lugares onde ves todo xente maior, aquí non, son novos"

Con case 10.000 habitante, a vila é todo un exemplo de convivencia, nela cohabitan ata 51 nacionalidades.