Breogán e Obradoiro afrontarán o sábado os seus partidos como visitantes
Breogán e Obradoiro afrontarán o sábado os seus partidos como visitantes
Os de Mrsic viaxan a Manresa, un equipo que só logrou un triunfo en cinco xornadas
O recén ascendido Granada será o rival do Obradoiro
Lukovic é baixa no Río Breogán. Os de Mrsic xogan o sábado ante o Manresa ás 18:00 horas. O equipo catalán leva un triunfo en cinco partidos na ACB. Mrsic apunta a xogar con cabeza e como equipo para gañar. O Breogán ten un balance de tres triunfos e dúas derrotas, e a fin de semana pasada rachou unha serie de dúas derrotas consecutivas.
O Obradoiro viaxa a Granada, onde xoga tamén o sábado e á mesma hora que os veciños de Lugo. Os de Moncho Fernández queren lograr a primeira vitoria da campaña como visitantes. Terán que conseguilo reducindo o número de perdas de balón: son o terceiro equipo que máis balóns perde. Un quebracabezas para Moncho.
