Brais Méndez lidera o pleno vitorioso da Real en Europa

Cinco partidos e cinco vitorias para a Real Sociedade en Europa co ex-xogador do Celta Brais Méndez como elemento máis importante na creación de xogo e na definición. O de Mos anotou o segundo gol do triunfo no campo do Omonia Nicosia (0-2) e xa son sete os goles que leva coa Real nesta temporada contando as dúas competicións en que está xogando. 

A Real lidera o grupo con quince puntos, tres máis ca o poderoso Manchester United ao que se enfrontará na última xornada para decidiren quen pasa como primeiro á seguinte fase.