Borja Iglesias deixa o Betis ás portas da final de Copa

O Betis está moi preto de xogar a final da Copa do Rei con protagonismo galego. Borja Iglesias marcou o gol do empate en Vallecas no minuto 26 logo de que o Raio fose por diante no marcador desde os primeiros minutos.

Álvaro García anotou no 5 e o Raio encamiñou a eliminatoria do mellor xeito. Pero aí estaba o dianteiro para anotar cun remate desde a frontal e achegar o seu equipo á final. Na segunda metade William Carvalho marcou un golazo (1-2) e o Betis acariña a rolda definitiva.