Bordado ao aire: unha técnica tradicional dos traxes de gala

Belén, vinculada ao traxe tradicional galego como responsable de vestiario da Coral de Ruada, elaborou o seu propio traxe con bordado ao aire. En canto descubriu a técnica, quixo aprendela. "O bordado ao aire faise á parte da tea, non sobre a tea"

"Nesta peza tardei catro anos en facer o bordado ao aire. Hai que coser pedra a pedra, cristal a cristal", explica mentres non ensina a muradana, a saia que recobre o refaixo.

Os cristais veñen da República Checa. Cómpraos por quilos e vainos pasando un a un. 

Son deseños antigos, orixinais dos traxes de gala, pero tamén se lles poden dar outras aplicacións, que discorre cos seus alumnos.

"Facémoslle o pico para un xersei, ou unha carteiriña de terciopelo con cremalleira, para poñerlle os apliques".

Paixón e entrega, para que non se perda esta laboriosa técnica de bordado tradicional.