BNG lanza a campaña para potenciar a lingua e a cultura co gallo do Día das Letras Galegas

A uns días da celebración do Día das Letras Galegas, o BNG lanza a súa campaña para potenciar a lingua e a cultura galegas. A voceira nacional mantivo un encontro cun grupo de novos creadores de contidos dixitais en galego. Ana Pontón dixo que o galego non ten límites e reivindicou o seu carácter internacional e o seu uso en todos os ámbitos económicos e sociais.

"O galego ten que estar na industria, na economía, non só na cultura, tamén na empresa, con medidas que faciliten ese proceso de apoderamento de Galicia desde o noso idioma, desde a nosa cultura e desde o orgullo de ter algo tan importante coa unha lingua e cultura propias", dixo Ana Pontón.