BNG e EH Bildu apostan por afondar no "dereito á soberanía" de Galicia e Euskadi
As forzas politicas analizaron o momento actual das súas "nacións e do Estado, en temas como a situación dos idiomas, servizos públicos ou sistema de financiamento"
As dúas formacións reuníronse este venres en Bilbao. Europa Press
EH Bildu e BNG apostan por "profundar na construccion nacional" e o "dereito á soberanía" de Euskadi e Galicia, ademais de impulsar políticas transformadoras, "fronte á onda reaccionaria que vén".
Tamén defenden que, en tempos nos que "resoan tambores de guerra" e crece o "autoritarismo", é unha "obrigación" avanzar "en dereitos sociais e nacionais".
As formacións políticas mantiveron esta este venres unha reunión de traballo na sede de EH Bildu de Bilbao, na que, por parte da coalición vasca, estiveron presentes o secretario de Relacións Políticas e portavoz no Senado, Gorka Elejabarrieta, a parlamentaria vasca e membro do equipo de Relacións Políticas, Oihana Etxebarrieta, e o senador Mario Zubiaga.
En representación do BNG, asistiron a corresponsable de internacional e vicepresidenta do Parlamento de Galicia, Montse Prado Cores, a coordinador da área de institucional e deputado no Congreso, Néstor Rego Candamil, e a secretaria nacional de organización da formación galega, Lucía López Sobrado.
Nun comunicado, as formacións lembraron que manteñen "unha relación de confianza desde hai anos", como demostra a súa candidatura conxunta nas eleccións ao Parlamento Europeo en 2014, 2019 e 2024.
Nesta cita, EH Bildu e BNG analizaron e contrastaron o momento actual das súas respectivas "nacións e do Estado, en temas como a situación dos nosos idiomas, servizos públicos ou sistema de financiamento", entre outros.
Destacaron que as formacións soberanistas serán "determinantes á hora de empuxar ao Goberno do Estado para aprobar políticas transformadoras que contribúan a mellorar a vida dos nosos pobos".
"Nestes tempos onde os tambores de guerra resoan con forza no mundo e existe un clima autoritarismo crecente, avanzar en dereitos sociais e nacionais é unha obrigación", engaden.
EH Bildu subliñou que "entender o momento político e social" que se vive na actualidade, "compartilo e combatelo, é máis necesario que nunca".
"Vivimos nun Estado plurinacional cuxo modelo actual, sostido sobre o réxime do 78, mostrouse incapaz de dar resposta ás aspiracións democráticas e nacionais dos pobos que o conforman. Superar ese marco é unha prioridade para avanzar cara a un modelo verdadeiramente democrático e xusto no que se recoñeza o dereito á soberanía das nosas nacións", compartiron.
Por iso, "fronte á onda reaccionaria que vén", EH Bildu e BNG reafirman a súa aposta "por profundar na construción nacional e polas políticas transformadoras para os nosos pobos". "Niso estamos e a iso comprometémonos", concluíron.
