Publicador de contidos

Publicador de contidos

Benzemá dinamita o clásico cunha tripla

Benzemá dinamita o clásico cunha tripla

O Real Madrid golea no Camp Nou (0-4) cunha actuación maxistral do dianteiro francés

G24.gal 05/04/2023 22:46

Chegaba o Real Madrid ao Camp Nou nunha situación límite. Perdera por 0-1 no partido de ida e precisaba unha remontada case épica no campo do eterno rival. 

Apostou Ancelotti por un equipo moi ofensivo e a xogada non lle puido saír mellor. Non só gañou e remontou senón que acabou goleando por 0-4 ao Barcelona da man dun Benzemá en plan estelar. 

O partido ía igualado e con moitas alternativas ata o último minuto da primeira metade cando Vinicius marcou un gol que cambiaría o rumbo da eliminatoria. E ao pouco de comezar a segunda metade Benzemá empezou co seu recital marcando o segundo.

Foron dous golpes psicolóxicos demoledores que acusou un Barcelona impotente diante dun Real Madrid que foi o das grandes ocasións. Benzemá sentenciou cun dobrete no 58 e no 80 e meteu o seu equipo na final diante do Osasuna. 

Publicidade
Publicidade
Publicidade
Publicidade
Pódeche interesar

Publicador de contidos