Avalían o alcance dun novo afundimento na estrada OU-536

Hai preocupación entre os usuarios habituais da OU-536 e tamén entre os veciños de Xunqueira de Espadañedo polo estado desta estrada. Apenas tres meses despois da súa reparación un novo afundimento nesta vía volve causar problemas. A fochanca está sinalizada e os técnicos xa revisaron a zona.

Dende a Axencia Galega de Infraestruturas xa confirmaron que a reparación se vai acometer de maneira inmediata porque xa localizaron a orixe do problema. É un fallo estrutural e non do firme, como se pensaba nun primeiro momento.