Aumentan as vendas da lotaría durante a fin de semana

En Galicia póñense en circulación máis de once millóns de décimos. Os lugueses foron os que máis gastaron en lotería o ano pasado aínda que moita da que se vende nas administracións das cidades viaxa fóra. 

A pouco máis de 15 días do sorteo en Santiago as administracións traballan sen descanso no festivo. A maioría dos compradores de hoxe están de visita e queren levar con eles a sorte compostelá, case todos para compartir. 

"Vimos desde Huelva e compramos distintos números para a familia e os amigos a ver se toca"

"Facemos peña entre nós para compartir décimos no traballo"

"A nosos pais tocoulles algunha vez, así que toca"

"Soñei con que me ía tocar se a compraba en Santiago e levaba o número 12"

Os compradores de sempre confían nas súas administracións, algúns a números fixos e outros á sorte que lles dean.

"Temos números que os clientes habituais compran desde hai moitos anos, incluso institucións que xa non existen e xogaban a un número seguen comprando ese número. Veñen e din o meu avó compraba e nós seguimos. Este sorteo ten un espírito e unha tradición que poucas cousas o ten", asegura Pedro Castillo, da administración da Praza de Cervantes

Moitos dos compradores xogan só nestas datas, pola tradición, por non ser os únicos que quedan sen mercar dentro dun grupo e fundamentalmente por se ao final toca.