Morre un home de 74 anos tras ser atropelado en Sarria
Foi arrolado por un vehículo na rúa de Diego Pazos
Atropelo mortal en Sarria. Un veciño de Sarria de 74 anos faleceu tras ser atropelado na rúa de Diego Pazos. O accidente ocorreu uns dez minutos antes das 22:30 horas da noite de onte, cando un particular alertou o 112 Galicia dun accidente. Segundo indicou, parecía grave.
🔴 #AXEGAInforma do falecemento dunha persoa en Sarria logo de sufrir un atropelo.
— 112 Galicia (@112Galicia) March 5, 2025
📍 Rúa de Diego Pazos.
🚨 Urxencias Sanitarias de Galicia-061, @guardiacivil e Policía Local.
🔗 https://t.co/oakKV6MAOI pic.twitter.com/jp5iThlRMu
Os xestores do 112 Galicia pasaron o aviso rapidamente ao Servizo de Urxencias Sanitarias de Galicia-061, á Policía Local e á Garda Civil. As urxencias sanitarias mobilizaron unha ambulancia para trasladar a vítima, que faleceu practicamente no intre.
