Deteñen o home dunha das falecidas nos estraños incendios de Valladolid
Foi arrestado por agredir dous matrimonios de anciáns no intento de entrar nas súas casas o día dos incendios
A Policía encontrou tres cadáveres no interior de dúas vivendas que arderan; el era a parella dunha das falecidas
A Policía Nacional investiga a relación dun home de 43 anos, veciño de Valladolid cos estraños incendios nos que se atoparon tres cadáveres, dous con indicios de morte violenta. O sospeitoso era parella dunha das falecidas e detivérono o sábado como suposto autor da agresión a dous matrimonios de anciáns ao intentar entrar nas súas casas.
Os cadáveres apareceron en dúas vivendas próximas a onde se declararan senllos incendios.
Apagadas as lapas, nunha das casas localizáronse os cadáveres dunha muller de 78 anos e da súa filla, de 54, unha delas con feridas de arma branca. Na outra vivenda, atoparon un home de 72 anos tamén acoitelado.
O detido estaba casado coa muller de 54 anos que apareceu morta canda a súa nai nunha das casas. Os axentes cren que o incendio foi intencionado.
