Falecida unha persoa tras caer nunha zona de rochas no porto da Guarda
Os equipos desprazados á zona investigan as circunstancias do suceso
Unha persoa faleceu este luns tras caer nunha zona de rochas no porto da Guarda, segundo informou o 112 Galicia.
O aviso produciuse arredor das 19:15 horas, cando Urxencias Sanitarias de Galicia recibiu a comunicación dunha posible caída ao final dunha explanada do porto guardés.
Desde un primeiro momento xa se barallaba a posibilidade de que a vítima estivese falecida.
Os profesionais sanitarios desprazados ao lugar confirmaron o falecemento á súa chegada.
Pola súa parte, o Grupo de Emerxencias Supramunicipal (GES) da Guarda colaborou nas tarefas de recuperación do corpo, situado nunha zona de difícil acceso.
As forzas da orde investigan agora as circunstancias do suceso.
🔴 #AXEGAInforma dunha persoa á que atoparon falecida nunha zona de rochas na Guarda.
— 112 Galicia (@112Galicia) June 23, 2025
📍 Porto da localidade.
➡️ Os efectivos do GES da Guarda colaboran nas tarefas de recuperación do corpo desde a zona de difícil acceso.
🔗 https://t.co/DKGhT9lEgN pic.twitter.com/dc3HFraeIT
