Cargando resultados...
Un veciño de Salvaterra de Miño aparece morto no seu coche en Ponteareas
Un veciño de Salvaterra de Miño aparece morto no seu coche en Ponteareas
O coche envorcou pero non se sabe cando
ANA LOIS
15/12/2021 20:52
En Ponteareas localizaron esta tarde un home morto dentro do vehículo que conducía, preto da parroquia de Cristiñade, nunha pista de terra no lugar do Puño.
O finado era veciño de Salvaterra de Miño e tiña 67 anos.
O seu coche precipitouse por un terraplén desde a estrada e caeu uns 25 metros, posiblemente o martes, nunha zona de bosque. Alí o encontrou ás cinco e media da tarde un veciño e avisou os servizos de emerxencia, que, desprazados ata o lugar, só puideron certificar a morte.
Para coñecer o momento do accidente, practicaráselle unha autopsia.