Atopan o corpo sen vida dun home de 79 anos nas termas de Prexigueiro, en Ribadavia
O 112 Galicia recibiu o aviso pasadas as 12:30 horas, cando o Servizo de Urxencias Sanitarias de Galicia-061 alertou da mobilización do helicóptero medicalizado con base en Ourense cara ao punto
Foi un particular quen viu o corpo do home flotando na auga e o sacou, pero malia os intentos de reanimación, non se puido facer nada por salvarlle a vida
Os servizos de emerxencia confirmaron este mediodía o falecemento dun home de 79 anos e veciño de Melón nas termas de Prexigueiro, na parroquia de Francelos, no concello ourensán de Ribadavia.
O 112 Galicia recibiu o aviso pasadas as 12:30 horas, cando o Servizo de Urxencias Sanitarias de Galicia-061 alertou da mobilización do helicóptero medicalizado con base en Ourense cara ao punto.
🔴 #AXEGAInforma do falecemento dunha persoa en Ribadavia.
— 112 Galicia (@112Galicia) May 28, 2025
📍 Termas de Prexigueiro, parroquia de Francelos.
➡️A vítima foi atopada flotando nas termas.
🔗 https://t.co/J5kzrecvX1 pic.twitter.com/leorxt3nOx
De inmediato, desde o 112 Galicia informouse do suceso aos membros do GES de Ribadavia, á Policía Local e aos Bombeiros do Carballiño.
Segundo a información recollida, foi un particular quen viu o corpo do home flotando na auga e o sacou, pero malia os intentos de reanimación, nada se puido facer por salvarlle a vida. Todo apunta a que morte puido producirse por causas naturais.
