Ataque do lobo en Vilasantar: devora un xato de raza rubia galega

Novo ataque do lobo desta volta en Vilasantar, nunha parcela situada no lugar de Xemerás.

As imaxes foron gravadas pola propietaria da explotación gandeira, que é veciña de Teixeiro.

O lobo devorou un xato de raza rubia galega valorado nuns 600 euros.

Pero á marxe da perda económica, desde o sector insisten en que o incidente volve poñer enriba da mesa a súa desprotección e vulnerabilidade fronte ao ataque destas animalias.

Reclaman medidas que garantan a convivencia da actividade gandeira e a pervivencia do lobo.