As Tanias volven as ser as máis rápidas no Descenso do Sella

O descenso do Sella é unha das probas raíñas do verán no mundo do piragüismo. E as galegas Tania Álvarez (O Grove) e Tania Fernández (Lugo) están a escribir o seu nome con letras de ouro dentro do palmarés. Xa gañaran na edición de 2023 e repetiron triunfo neste 2025. 

Na categoría masculina a vitoria foi para o mítico Walter Bouzán que levou o 12º Sella -nove en K2 e tres en individual-. Desta volta impúxose a carón de Bertín Llera nun final moi apertado no que catro embarcacións chegaron con opcións aos últimos douscentos metros.