As pantallas do Entroido de Xinzo xa están case preparadas
A máscara tradicional leva dende feltro ata cartón e fariña de trigo
Utilizaranse nos catro días grandes da festa
Para quen aínda non o saiba, as pantallas de Xinzo son as máscaras tradicionais do Entroido da Limia.
Manter o método tradicional de elaboralas é o obxectivo deste obradoiro, onde seguen fielmente e paso a paso as técnicas centenarias que usaban os seus devanceiros.
Os alumnos do obradoiro levan dende setembro dedicando varias horas á semana para teren as pantallas listas.
A cantidade de elementos que se utilizan e a complexidade das técnicas fan destas particulares máscaras unhas pezas moi especiais.
Hoxe estendeuse o uso de pantallas só de cartón ou ata de plástico pero quen sente realmente o Entroido de Xinzo asegura que non hai nada comparable á sensación de construír e levar posta unha pantalla artesá.
Unha vez rematadas, as pantallas van lucir polas rúas de Xinzo nos catro días principais do Éntroido da capital da Limia.
