As modificacións da feira en Vilagarcía xeran posicións enfrontadas entre comerciantes
Algúns feirantes foron relocalizados na rúa Arcebispo Lago e quéixanse os comerciantes porque tapan os seus locais
Este martes é o terceiro día de feira en Vilagarcía, coa nova localización de postos de venda adoptada polo Concello. O cambio supuxo instalar nesta rúa do Arcebispo Lago os comerciantes ambulantes que martes e sábado ofrecían o seu produto en prazas próximas.
Entre os comerciantes que teñen o seu local de negocio nesta zona, a maioría evitou contalo publicamente, encontramos quen considera positivo o cambio e quen está en contra de telos nesta rúa remodelada.
"Peonalizan unha rúa e agora poñen os postos que tapan os locais e que non limitan para traer a mercancía. O mercado ten que estar onde estivo sempre", din desde unha panadería.
A propietaria da mercería di: "Non entendo por que fan unha rúa peonil que quedou accesible e agora o mercado déixano baleiro e poñen o mercado na rúa peonil. Pero, vaia... o Concello é o que fai e manda".
Outros comerciantes da rúa din que é pronto para avaliar os efectos na súa actividade e engaden que non teñen nada contra a presenza dos colegas ambulantes. Entre estes predomina que non hai queixa pola nova localización e mesmo hai quen ten razóns para valorar o cambio.
"Nós non temos ningún problema non ninguén. Ao revés. E queremos traballar, porque xa estivemos sete meses sen ingresos, aguantando se viñamos para onde nos dixeran, pois alí dentro. Non temos problema. Estamos a gusto".
"Penso que non quedan tan mal, pero... amola que se che poñan diante do teu local. E que lle imos facer? Nós non temos culpa".
A queixa dos comerciantes á que se refire a vendedora ambulante tratan de minorala tendo descuberta toda a contorna dos postos da feira.
