As lendas achéganse para o encontro desta noite en Balaídos
Mazinho, Makelele, Míchel Salgado, Sergio Álvarez, Figo..., todos falaron na previa do encontro
Día moi importante para o celtismo, esta noite ás 21:00 xógase en Balaídos o encontro de lendas que podrá seguirse na G2 e en G24.
O acto comezou cunha conferencia de prensa en que Míchel Salgado tomou a voz cantante, mais estivo ben acompañado por Sergio Álvarez, que será o capitán das lendas celestes, e Figo, unha das estrelas dos All-World.
O lateral tamén se mollou no relativo aos capitáns. Mentres que nos locais será Sergio Álvarez, nos All Star do resto do mundo non o teñen tan claro, mais sabe cal será o criterio que rematará impoñéndose: a idade.
Sergio foi algo máis serio e recalcou o orgullo que significa poder ser o capitán deste equipo.
"É un partido único, que debemos gozar. Fará este escudo aínda máis grande, será sempre recordado na historia do R. C. Celta".
🗣️ Non podía faltar o capitán do XI de lendas celestes
— En Xogo tvG2 (@EnXogo_tvG2) August 30, 2023
📸 @sergioalv1 fala sobre o encontro desta noite
🎙️ "É un partido único, que debemos disfrutar. Fará este escudo aínda máis grande, será sempre recordado na historia do @RCCeltaGL "🔵 pic.twitter.com/976jxeDSzT
Despois do posado falaron exlendas celestes como Makelele ou Mazinho. O astro brasileiro resaltou o desexo de que o seu fillo maior, Thiago Alcántara, tamén remate vestindo a camiseta celeste.
"O Celta para a miña familia significa fogar"
A anécdota graciosa deixárona o presidente Caros Mouriño e un Figo que lle recalcou que "aínda está aberto o mercado de fichaxes", por se quería fichalos. O presidente respondeulle admitindo que ía estar atento ao que sucedese en Balaídos, mais Morientes remataría a conversa, pois "entre os 15 que estamos non facemos un só xogador".
