A choiva deixa máis de 53 litros por metro cadrado en Santa Comba

A choiva deixou 53,7 litros de auga acumulados por metro cadrado na estación de medición de Fontececada, en Santa Comba (A Coruña).

Ademais, outros municipios da provincia, como Rois, acumularon 42,4 litros, uns valores similares aos 40,9 litros por metro cadrado ao que se chegou en Oia, Pontevedra.

Na xornada deste venres, a costa e parte do interior das provincias da Coruña e Pontevedra permanecen en aviso amarelo por acumulación de choiva e ondada.