As axencias de viaxes da Coruña ofrecen experiencias turísticas singulares sen saír da cidade

Programar saídas náuticas pola Reserva da Biosfera Terras do Mandeo e Mariñas Coruñesas que se combinan con entradas para museos ou espectáculos na cidade da Coruña. É tan só unha das propostas que as axencias de viaxes da cidade ofertan cara á temporada turística de 2022.

A posta en valor do patrimonio material e inmaterial, do Camiño Inglés ou do turismo de compras en auxe na cidade, tamén figuran entre os paquetes turísticos deseñados polas axencias.

Vinte e dúas axencias participan nesta campaña promocional da cidade que conta coa colaboración do Concello da Coruña. Son paquetes turísticos que estarán á venda ata o vindeiro outono.