Así chegan Obradoiro e Breogán ao gran derbi galego da ACB
Así chegan Obradoiro e Breogán ao gran derbi galego da ACB
O Obradoiro busca no derbi un partido para recupera-lo sorriso e forza-la reacción. Deportiva e anímica.
Logo de dúas derrotas e de complicar a súa sitiación na táboa, precisa dun triunfo que tranquilice e reconduza. Moncho insiste en que si é por gañas, por fame de vitoria...
Mais se reparamos no nivel defensivo. Aí está a ter un problema. Esta mañá traballaban arreo en Fontiñas. Porque nos últimos catro encontros o equipo encaixou máis de 90 puntos e por aí se lle están a escapar os partidos. Diagnóstico claro que contrasta coa fortaleza e o momento do Breogán.
Moncho conta con tódolos efectivos. Terá que facer un descarte pro partido deste domingo. Ás oito, aquií no Sar. Esta mañá había campionato de España de karate. O de mañá tamén será outro bonito combate.
O Breogán acepta o desafío obradoirista e confésase preparado para a batalla do Sar.
A fronte das operacións e como estandartes do baloncesto galego na pista, dous irmáns. Erik e Sergi Quintela, quenes deciden afrontar o reto coas súas armas.
A principal ameaza breoganista vén de Bosnia, chámase Musa e lidera as clasificacións de anotación e de valoración da Liga.