Un coche bipraza eléctrico que pode engalar verticalmente, unha das novidades do Mobile World Congress

Grazas á intelixencia artificial, con un anel podemos saber cal é o noso estado de saúde. É unha das novidades que desde hoxe se poden ver no Mobile World Congress de Barcelona.

"A través da intelixencia artificial podes tomar as túas constantes e ter unha puntuación sobre o teu estado de benestar", explican desde Samsung.

A intelixencia artificial é a gran protagonista desta edición, xa aparece nos móbiles de última xeración: terminais de máis de seis polgadas, con tripla e incluso cuádrupla cámara, que xa contan co novo sistema operativo de Android que vai revolucionar a forma en que o usuario se relaciona co seu móbil.

"Que o público experimente, sinta, toque, vexa todo o relacionado coa intelixencia artificial no móbil", contan desde un dos expositores.

Tamén se presentan as últimas novidades en conectividade 5G e 6G ou nas lentes de realidade mixta. 

A proposta máis futurista chegará da man dunha empresa americana, un coche bipraza totalmente eléctrico que pode engalar verticalmente. 

Non voa, pero si é o primeiro vehículo eléctrico con autonomía para 800 quilómetros. E a aposta no motor de Xiaomi.