Arden varios vehículos en Pontevedra que estaban aparcados na rúa

Varios vehículos quedaron danados esta madrugada pasada en Pontevedra a causa dun incendio que se iniciou nunha furgoneta que quedou completamente calcinada.

Ocorreu contra as tres da madrugada nese vehículo que estaba aparcado no barrio residencial de Monte Porreiro da cidade de Pontevedra. A Policía Local recibiu un aviso e ao chegar ao lugar comprobaron que as lapas afectaban outros dous coches que tiña preto.

Os bombeiros acudiron axiña, pero a furgoneta quedou completamente calcinada e os dous coches quedaron tamén bastante afectados. De momento non se sabe a causa do incendio.