Antonio Hidalgo: "Luis Chacón é un xogador diferencial"
O Deportivo enfróntase este sábado á Cultural Leonesa sen Mulattieri
Non poderá xogar Luis Chacón, cedido no equipo leonés, por unha cláusula
Antonio Hidalgo compareceu esta mañá na rolda de prensa previa ao encontro deste sábado en Riazor ante a Cultural y Deportiva Leonesa (18.30h). O técnico destacou o xogo ordenado do equipo que dirixe José Ángel Ziganda, que se atopa na zona media da táboa, en 15ª posición. Polo equipo coruñés non estará dispoñible Mulattieri. O italiano avanza pouco a pouco nas súas molestias musculares.
Hidalgo destacou ademais a figura de Luis Chacón. O xogador de Pontedeume, cedido polo Deportivo na Cultural, está sendo "diferencial" e "protagonista" na temporada do equipo leonés. Desde o club coruñés siguen todos os seus avances e Hidalgo considera que a súa saída como cedido foi unha decisión moi acertada.
Chacón non poderá xogar este sábado por unha cláusula no seu contrato de cesión que impide que xogue contra o equipo que o ten en propiedade.
O Deportivo quere recuperar as boas sensacións do inicio despois dun mes irregular. As últimas vitorias "cámbiano todo. Foron momentos difíciles e sabiamos que tiñamos que dar un paso adiante".
