Alumnos dun colexio de Redondela limpan a praia de Cesantes

Nin ordenador nin apuntamentos. Tocaron luvas e bolsas. Alumnos de formación profesional dun colexio de Redondela cambiaron as aulas pola praia para levar á práctica o aprendido na clase recollendo o lixo na praia de Cesantes.   

Coas bolsas cheas de plástico, cabichas, restos de aparellos e incluso de animais mortos, comprobaron por eles mesmos que é necesario seguir concienciando no respecto ao ambiente.

Poñer en valor o patrimonio natural da súa contorna é outro dos obxectivos dunha actividade que este colexio redondelán organiza dende hai cinco anos.