Altri e Ence, dous proxectos que xeran debate
Contra Altri presentáronse máis de 24.000 alegacións, mentres que o proxecto similar de Ence, unha planta de biofibra reciclada branqueada, pasou desapercibido
Hai dous proxectos empresariais en Galicia con autorizacion ambiental que están xerando debate. O de Altri, en Palas de Rei, e o de Ence, nas Pontes. Contra Altri presentáronse máis de 24.000 alegacións, mentres que o proxecto similar de Ence, unha planta de biofibra reciclada branqueada, pasou desapercibido.
O BNG oponse a ambos proxectos, pero os socialistas galegos ven como un proxecto de futuro o de Ence nas Pontes. Os veciños e o Goberno municipal ven como unha oportunidade o proxecto de Ence.
O caso de Palas de Rei
O alcalde de Palas de Rei ve en Altri un gran futuro económico para a súa comarca, o mesmo que o de Ence nas Pontes, coa creación de 1.500 postos de traballo directos e indirectos. Pero di que non se está actuando do mesmo xeito con Altri que con Ence.
Ambos proxectos comparten dúas realidades: aínda están pendentes de novos permisos, e ningún recibiu apoio económico dos fondos Next Generation que xestiona o Estado español.
