Algunhas inmobiliarias galegas comezan a cobrar por ver pisos en alugueiro
En Vigo, o anuncio dun piso de alugueiro nunha rede social pide unha comisión de 50 euros por visitalo
A práctica xera controversia no sector inmobiliario
Todo comeza co anuncio dun estudio na Gran Vía de Vigo nunha rede social. A continuación aparece un número de teléfono que te leva directamente a WhatsApp. Pedimos información sobre a vivenda e inmediatamente nos levan a un formulario onde informan do pago dunha comisión de 50 euros por visitar o piso a través de transferencia ou Bizum. No sector esta práctica xera controversia.
Pode unha axencia inmobiliaria cobrar simplemente por visitar unha vivenda? A lei de arrendamentos urbanos é clara.
Neste caso, a inmobiliaria descontará os cartos do prezo final se decidimos alugar o apartamento; en caso de non quedar co inmoble, aseguran que o prezo será reembolsado. Con todo, a polémica está servida
Dese o sector alertan das estafas deste tipo de anuncios e recomendan facer as comprobacións necesarias.
