Aviso laranxa no litoral atlántico e na Mariña por vento e ondas

Deixamos atrás as temperaturas mornas da semana e hoxe o tempo mostra a súa cara máis chuviosa e ventada, con aviso laranxa no litoral norte e atlántico, por ondas de máis de cinco metros. Os chuvascos tamén foron importantes, sobre todo pola mañá.

En canto ás temperaturas, o vento forte fixo que non fosen moi altas, arredor dos vinte graos as máximas. O refrán de que ata o 40 de maio non quites o saio queda curto nas previsións porque só faltan dous días para o cambio de estación.