Alarma por un incendio que afectou a zona interior dun antigo restaurante de Ourense
Todo quedou nun susto pero os veciños reviviron a angustia do lume que hai tres meses calcinou un edificio abandonado situado a tan só uns metros
Susto no barrio ourensán da Ponte por un incendio nun antigo restaurante que leva seis anos pechado. As lapas comezaron nuns restos de poda e afectaron ao xardín interior.
A rápida intervención dos bombeiros evitou que as lapas se estenderan máis alá do xardín.
Todo quedou nun susto pero os veciños reviviron a angustia do lume que hai tres meses calcinou por completo un edificio abandonado situado a tan só uns metros e onde aínda continúan a traballar.
As forzas de seguridade investigan o acontecido. O emblemático restaurante pechou as súas portas definitivamente en 2020. Dende entón o edificio está sen uso.
