Adeus ao sorriso máis famoso do camión: morre Oti Cabadas

Morre aos 41 anos a camioneira galega Oti Cabadas.

Natural de Fornelos de Montes, Oti  converteuse nunha cara coñecida polos seus vídeos en Instagram.

Nun sector tradicionalmente copado por homes, Cabadas fíxose un oco a base de moitas horas de traballo e tamén de comunicación.

Nos seus vídeos comparteu moitas anécdotas da súa vida na estrada e gañou o cariño de moitos compañeiros de profesión.

A Confederación Española de Transportes de Mercadorías lamentaba este luns o seu falecemento.

"Oti foi un exemplo para todos nós, non só pola ledicia que transmitía coa súa mirada, senón pola paixón coa que viviu a súa profesión" dixeron nun comunicado en redes sociais.