Buscan un home que se perdeu de madrugada no monte en Ourense
O home saíra a primeira hora da noite e perdeuse nunha zona de difícil acceso da parroquia de Palmés
Imaxe de arquivo
O dispositivo activouse arredor das 3:00 horas desta madrugada, despois de que un amigo do implicado alertase ao 112 Galicia.
Segundo explicou, levaban un tempo tentando localizalo nunha zona de difícil acceso da parroquia de Palmés, nas inmediacións do regato da Burata.
O home saíra ao monte a primeira hora da noite e acabou perdéndose, aínda que, como sinalaron os particulares, puido compartir as coordenadas da súa ubicación con eles.
O Centro Integrado de Atención ás Emerxencias (CIAE) 112 activou de inmediato un operativo que segue en marcha a estas horas, e no que participan os Bombeiros de Ourense, a Policía Nacional, a Policía Local e voluntarios de Protección Civil de Toén.
