Activo un incendio forestal en Xermade con máis de 20 hectáreas queimadas
O incendio é na parroquia de Roupar, e nel traballan nas tarefas de extinción catro helicópteros, cinco avións, oito brigadas, sete motobombas, cinco axentes e dous técnicos
O Ministerio de Defensa informa de que enviou tres avións para colaborar na extinción
Un incendio atópase activo esta tarde de luns no municipio lucense de Xermade, onde calcina máis de 20 hectáreas, segundo estimación provisional da Consellería do Medio Rural.
O lume iniciouse na parroquia de Roupar ás 14,51 horas deste luns. Traballan nas tarefas de extinción: catro helicópteros, cinco avións, oito brigadas, sete motobombas, cinco axentes e dous técnicos.
ACTIVO un incendio forestal no concello lucense de Xermade, parroquia de Roupar, que segundo as últimas estimacións supera as 20 hectáreas de superficie afectada. #IFRouparXermade
— incendios 085 (@incendios085) June 15, 2026
O Ministerio de Defensa informa de que enviou tres avións apagalumes a Xermade para axudar nos labores de extinción, despois de intervir noutras provincias galegas. Informa de que están "moi pendentes" da situación en Galicia.
