Actividade febril en Ponteareas na preparación do Corpus Christi

En Ponteareas traballan estes días de xeito febril para ir preparando pétalos, tuias, hortensias ou caraveis para compoñer as famosas alfombras florais que o domingo pisará a procesión do Corpus Christi.

Con máis de dous séculos de vida a celebración  foi declarada hai anos de interese turístico internacional. Ademais do día grande, que é o domingo, a madrugada tamén ten un encanto especial porque se coñecen os deseños das alfombras, ata agora segredos e pódese ver cómo se elaboran os tapices florais.