Activado o aviso amarelo por fortes treboadas no interior de Galicia

Meteogalicia activou o aviso amarelo por tormentas en practicamente todo o interior de Galicia.  Aínda que non se desbotan, serán máis raras na costa, onde si está previsto que chova. De feito, esta mañá xa chovía na mariña luguesa.

Peregrinos e veraneantes tamén agradecen a chuvia, aínda que non todos do mesmo xeito.  Con moita precaución, Meteogalicia agarda que a auga sexa máis abundante a próxima semana. 

As tormentas de hoxe poden ser fortes nalgúns puntos e chegar acompañadas de sarabia. Irán desaparecendo pola noite. Os meteorólogos prevén que nos próximos días baixen as temperaturas.