O achado dunha gravadora de vídeo do avión sinistrado na India pode ser clave para a investigación
Atopan tamén unha caixa negra na azotea dun edificio
O Rexistrador Dixital de Datos de Voo (DFDR), unha das "caixas negras" do avión, do avión , informaron fontes oficiais.
"A caixa negra atopouse na azotea dun edificio. A Oficina de Investigación de Accidentes de Aviación (AAIB) comezou a traballar con forza de inmediato", informou a autoridade india responsable da investigación.
Os corpos de procura recuperaron a Gravadora de Vídeo Dixital (DVR) do voo AI171 de Air India, sinistrado onte na cidade india de Ahmedabad con 242 persoas a bordo, un achado que podería achegar un contexto visual á investigación sobre as causas do accidente.
"É un DVR, que recuperamos dos entullos (do avión). O equipo do FSL (Laboratorio de Ciencias Forenses) virá aquí pronto", confirmou á prensa un axente do Grupo Antiterrorista (ATS, polas súas siglas en inglés), unha das varias forzas que asisten as operacións de procura e investigación tras o sinistro.
Un DVR nunha aeronave grava imaxes de cámaras internas, que poden usarse para seguridade ou adestramento, pero a súa instalación non é obrigatoria e varía segundo a aeroliña e o modelo do avión. A súa función é distinta á das "caixas negras", que son mandatorias en todos os voos comerciais.
Estas caixas negras compóñense dun Rexistrador de Datos de Voo (FDR), cos parámetros técnicos, e un Rexistrador de Voz da Cabina (CVR), co audio.
Aínda que o DVR non substitúe a estes dispositivos, as imaxes que poida conter poderían complementar a investigación de forma significativa, ofrecendo un contexto visual aos datos técnicos e de audio.
Este achado prodúcese mentres a investigación oficial, liderada pola Oficina de Investigación de Accidentes de Aeronaves da India (AAIB) segue centrada na procura das dúas caixas negras, que aínda non foron localizadas.
